Twitter@famima_now

日本便利店FamilyMart今日開始有新炸雞推出。

今次推出ge係「全家炸雞（胸肉）」。普通全家炸雞係用雞腿肉，相對上雞胸肉比較健康D，希望可以吸引到女士們購買。

而家仲做緊特價，大家好把握機會買黎試下。

2018-03-20

Twitter@McDonaldsJapan

日本麥當勞期間限定發售「四層芝士漢堡包」，聽日係最後一日啦。

各位食肉獸真係唔好錯過，食落口淡淡肉，真係好正！

不過食完真係幾飽下。

2018-02-05

Twitter@CocaColaJapan

日本會係下星期一新發售桃味可口可樂。

百事就成日出新味，可口可樂就真係好少，所以今次好多人期待緊。

對上一次可口可樂ge新味要數返十幾年前出ge雲喱拿可口可樂，當時評價都幾極端下，唔知今次係點呢！？

2018-01-16

Twitter@livedoornews

箱根個溫泉設施「箱根小涌園ユネッサン」，係2018年1月9日～2月28日會有朱古力溫泉。

牛奶浴，朱古力浴應該唔少女士想一直以來都想試，今次真係可以有得浸啦。

2017-12-27

Twitter@DtimesDelicious

各位80後，大家ge童年回憶小魔女doremi有新攪作。

就係下年1月18號(五)開始會係渋谷開cafe，完全予約制唔可以walkin，想去ge朋友要留意啦。

而最辛苦ge可能係各位男士們啦。要陪女士們去美少女戰士cafe，又要黎小魔女doremi cafe，到夜晚想食番餐好ge，但係女士們就話係cafe食左d野仲未肚餓求其就得，真係想XXXX。笑

2017-12-15

Youtube@DOUGA BIC

日本電器連鎖店biccamera每年恒例ge日本地圖年曆2018年版本，而家已經係有得扲。

想要ge朋友要盡快去扲啦，根據經驗每年都好搶手，聖誕節之前就會冇晒。

黎唔到日本又想要ge朋友可以聯絡本公司，本公司會收取小量服務費加上實報實銷郵費後，由日本直送到所指定地址。

2017-12-01

Twitter@suntory

百事可樂經常會出特別版。

而每年聖誕節都會出白色百事可樂，今年都唔例外已經出左。

官方話今年係聖誕蛋糕風味，大家有機會買黎試下。

2017-11-28

Twitter@famima_now

FamilyMart個招牌菜：「全家炸雞」，今日最後一日做特價。

話明係招牌菜，即係平時都好好賣，根本就唔需要做特價。而家難得特價，未試過ge朋友一定要黎試下，試過之後就知果D咩鬼韓式炸雞根本唔同level！！

(注：筆者個人口味)

2017-11-20

Twitter@famima_now

日本便利店FamilyMart今個星期出左隻新產品：「炸芝士」(售價:180YEN)

E款產品唔係好似芝士味薯片果種「芝士風味」，而係名副其實咁將舊芝士炸起。

鐘意芝士ge朋友一定唔可以錯過，而鐘意飲紅酒ge朋友都可以用黎送酒。

2017-11-17

Twitter@illumination_3

每年恒例ge聖誕燈飾又黎啦。

今日開始新宿南口同西口附近會有燈飾，各位食完飯之後記住去行過圈啦。

2017-11-15

Twitter@livedoornews

日本可口可樂瓶裝水品牌ILOHAS(いろはす)又有新味推出。

今次係有汽蘋果味，鐘意飲汽水又怕肥ge朋友又多個選擇啦！

E隻產品將會係27號開始發售，請留意。

2017-11-13

Twitter@PockyJPN

今日係11月11日，亦即係pockyの日。

大家記住去買百力滋食啦！！

2017-11-11

尋日開始，FamilyMart最好食(亦都係最貴)果隻「高級炸雞」(プレミアムチキン)開始做大特價。

特價後只係168YEN(FamilyMart T-card會員：158YEN)，仲平過招牌貨「全家炸雞」(ファミチキ)。

未食過ge真係要親E個機會試下，真係好鬼好食。

筆者就覺得仲好食過KFC，決定親而家特價，今晚去買兩件黎食。

2017-11-08

Twitter@ILOHAS

日本可口可樂瓶裝水品牌ILOHAS(いろはす)今日開始新發售檸檬味。

E D 有味水，最岩要減肥但係又唔鐘意飲水ge人。

而筆者就最鐘意飲士多啤梨味，但係可惜只係得300ML細支裝，成日都唔夠喉！笑

2017-11-06

Twitter@mognavi

日本starbucks係11月開始除左新發售聖誕版飲品外，其實仲推出左新ge奶茶味布甸。

售價方面係320YEN(稅前)。貴唔貴呢就，starbucks黎講普通啦。笑

值得一提係隻杯，可以洗完返用嫁！

2017-11-02

Twitter@Kirin_Company

今日係紅茶之日。

尋日halloween玩得太勁，今日3點3下午茶飲下紅茶休息下。

題外話，筆者最鐘意ge茶係凍檸茶。笑

2017-11-01

Twitter@lotteria_pr

日本快餐店LOTTERIA今日最後一日做薯條半價。

各條鐘意食薯條ge朋友，好把握機會去買個特大size黎返企慢慢食。

肥？？食左先算啦！！笑

2017-10-30

Twitter@mos_burger

今日係29號，亦即係肉の日。

肉の日就緊係要食肉啦。筆者就打算食mos burger肉漢堡包。(售價：850YEN)

話就話係漢堡包，但係完全冇包，D包全部變晒做肉。

各位食肉獸記住唔好放過啦，E款漢堡包係限定每個月29號發售一日咁大把！！

2017-10-29

Twitter@Starbucks_J

萬聖節都未過，日本starbucks已經公佈左聖誕節ge新作。

今次ge新作係raspberry white mocha，會係11月1號(三)開始發售。

真係睇相都覺得正，好想快D有得飲呀！！

2017-10-27

Twitter@nako_yabuki_75

日本今年大約5月開始左右，D女明星好流行放相上twitter，而D相睇上黎就似同個女明星約會緊。（彼女とデートなうに使っていいよ）

今次介紹ge係HKT48成員-矢吹奈子(16歲)。

幅相背景D萬聖節南瓜加上奈子chan本人，KAWAII！！笑

2017-10-23

Twitter@akiko_lawson

日本便利店LAWSON尋日開始新發售熱牛奶。

日本E幾日真係好鬼凍，凍冰冰整返杯熱牛奶真係好正！

除左熱咖啡，熱朱古力之外，又多個熱飲選擇啦。

2017-10-17

Twitter@McDonaldsJapan

日本麥當勞今日開始一連4日，每日15:00~19:00免費派熱咖啡。

大家記住去扲返杯啦。

不過點解麥當勞要派免費咖啡黎宣傳呢，咪就係因為大家都知道麥當勞D咖啡有幾「好飲」嫁啦！笑-你懂的

2017-10-16

Twitter@famima_now

今日又繼續講FamilyMart。

今個星期FamilyMart個招牌菜「全家炸雞」(ファミチキ)出左蒜香牛油味。

筆者就已經試左啦。一食落口就會有陣蒜香味，可以一試。

但係筆者始終都認為原味同夏天限定隻辣味最好食。

2017-10-13

Twitter@keyakizaka46

欅坂46終於有成員出寫真集啦！

今次會有兩名成員推出，分別係「渡辺梨加」(べりか・ぺー)同「長濱ねる」(ねる)。

近e年姊妹group乃木坂46成員出ge寫真集都全部大賣，今次作為欅坂46最初ge寫真集，銷量令人關注。

順帶一提，筆者係べりか推し！！笑

2017-10-12

今日再繼續講FamilyMart。

今日開始所有中華包全部做特價100YEN(部分商品除外)，大家仲唔即刻去買餃子包黎試下。

筆者今日就準備去買焦糖沙冰同餃子包黎做下午茶。

2017-10-10

Twitter@famima_now

日本E幾日又熱返，而FamilyMart又有新沙冰出左，真係岩晒！

今次出ge係焦糖味，而且杯沙冰入面仲含有白朱古力碎，淨係聽係上黎都覺得好飲。

究竟FamilyMart會唔會再係冬天出新沙冰呢！？

2017-10-09

Twitter@event_checker

煨番薯原來都可以飲！！

日本下星期會有新產品：「飲用煨番薯」發售。官方話無論係味道定香味都同煨番薯一模一樣。睇黎筆者又要去試啦！笑

提一提，E個產品會由10月10號在川越站內汽水機先行發售，10月17號開始在JR東日本各站內汽水機發售，普通超市同便利店係冇得賣。

2017-10-06

Twitter@McDonaldsJapan

日本麥當勞個煙肉薯仔批今日終於發售啦！(售價：150YEN)

煙肉薯仔批個官方日文名係：「ヘーホンホヘホハイ」。

識日文ge朋友，唔係我打錯呀，個官方名真係咁。笑

筆者今日lunch決定左去食麥當勞。

2017-10-04

Twitter@bamiyan_CP

今日10月2號係豆腐之日。

筆者今日準備去食麻婆豆腐做lunch，唔知今日大家準備食咩做lunch呢？

又或者今日放工去食日本野果時黎個日式炸豆腐？定係去大排檔黎個椒鹽豆腐？再唔係簡單D去食碗豆腐花！？

2017-10-02

Twitter@suntory

萬眾期待的透明奶茶，終於係今個星期一開始發售，唔知大家飲左未呢！？

筆者就已經飲左啦。唔講賣相，味道真係奶茶黎。

其實透明系列仲有檸檬茶，真係唔計個樣，味道根本就係檸檬茶。

大家有機會一完要飲下。

2017-09-29

Twitter@sailormoon_25th

今年係美少女戰士25週年，童年睇住黎長大的各位都應該已經係成年上班一族。

針對班已成年(有錢消費)fans，官方差唔多每個月都出新野。

而今次竟然推出郵票。唔知會唔會除左fans之外，集郵人士會唔會都去集呢！？

提一提大家，要係2017年10月2日 - 2018年1月26日內予約，商品會係3月24日開始發送，Walkin係買唔到嫁！

2017-09-28

Twitter@famima_now

最近，FamilyMart出左一種新雪條：「椰子荔枝雪條」。

售價：129YEN

E枝雪條係由台北市政府歡光傳播局監修，目的係吸引觀光客到台灣。

要留意返E枝雪條係FamilyMart限定發售，想試的朋友要注意下。

2017-09-24

Twitter@famima_now

而家LAWSON做緊關東煮70YEN特價，另一間便利店FamilyMart又係今日(22號)同聽日(23號)限定70YEN特價。

大家可以在LAWSON同FamilyMart各買一D，睇下邊間岩自己口味。

筆者就會去FamilyMart，因為可以一次過買晒關東煮，即食炒粉絲同沙冰。笑

2017-09-22

Twitter@news_line_me

Twitter@batta20070322

©AKS

©SHOWROOM

日本即食麵界於18號今個星期一出左種新商品：「即食炒粉絲」。

即係香港都有果種炒麵皇，D麵全部轉晒做粉絲。如果香港都出，個名係咪叫「粉絲皇」？？笑(雖然唔同牌子)

筆者就尋日已經試左，煮(整)法就同普通即食炒麵一樣，都係落滾水等3分鐘，之後倒左D水再落包醬撈埋。味道方面，筆者就認為幾好食，一定會再買。

粉絲係低卡路里產品，岩晒女士們。提一提，E個產品暫時係便利店限定，大家要注意！

最後付上有「2萬年一遇美少女」之稱，AKB48 Team8成員「小栗有以」的食後感想。

2017-09-21

Twitter@akiko_lawson

日本便利店LAWSON今日開始至25號(一)關東煮大特價，全部70YEN均一。

(原價150YEN以上的商品除外)

之但係，E幾日東京又上返去30度，筆者個人黎講都係想飲沙冰多D！笑

各位可以去完FamilyMart買沙冰之後，再去LAWSON買關東煮。一路打邊爐一路飲可樂都係同樣道理姐！笑

2017-09-19

Twitter@itm_nlab

日本回転壽司連鎖店「かっぱ寿司」又黎做壽司放題啦！

上一次壽司放題由於太過多人，有消息話15:00左右去到，等候時間要約600分鐘，所以今次係完全予約制，需要用官方APP做booking。

2017-09-18

Twitter@711SEJ

日本7-11關東煮又黎打9折，而且今次仲有埋中華包。

今次個打折活動係16:00～24:00限定，大家可以藉機試下D日式中華包。

2017-09-16

Twitter@misterdonut_jp

日本冬甩專門店 mister donut 今日開始會同 My Melody & Kuromi 黎個HELLOWEEN crossover。

helloween限定冬甩有11款，My Melody毯有兩款，各位fans唔好錯過！

2017-09-15

日本可口可樂公司近日推出左新產品：「可樂咖啡」。

E個產品係汽水機專賣產品，鋪頭係無得賣，各位要留意。

味道究竟係可樂定咖啡呢，好想快D試下。

2017-09-14

Twitter@McDonaldsJapan

日本麥當勞今日開始發售新產品：「CHELSEA奶昔」。

（售價為 S：120YEN，M：200YEN）

官方話味道同食chelsea糖時一模一樣，係唔係真就要大家去試下。

2017-09-13

早兩日先介紹完FamilyMart新出左曲奇雲尼拿味沙冰，今日開始沙冰系列將全部做特價減30YEN。

E個消息並未upload上各種SNS，暫時只有在FamilyMart官網上無聲息公佈，鋪頭入面都仲未有各種起眼的海報，所以仲係得好少人知道。

各位仲未試就真係要盡快，有傳某幾種口味將會於E個特價期間中賣完庫存就唔再補貨，到時想飲就要等下年啦！！

2017-09-12

Twitter@famima_now

FamilyMart的沙冰系列今日又出新味啦，今次係「曲奇雲尼拿味」，售價：290YEN。

計埋今日發售的「曲奇雲尼拿味」，而家FamilyMart發售中的沙冰系列一共有7款，大家試齊未呢？

日本E幾日又熱返，大家真係要盡快去試啦！！

2017-09-10

Twitter@McDonaldsJapan

香港麥當勞早幾日新出左辣椒仔味Shake Shake薯條，而日本麥當勞都出左往年大受歡迎的明太子沙律醬味。

今年包粉入面明太子會增量，味道更濃厚。

辣椒仔味同明太子沙律醬味，大家又想試邊款呢！？

2017-09-09

Twitter@akiko_lawson

今日繼續講LAWSON。

LAWSON今日宣佈會同動畫「Re:從零開始的異世界生活」(Re:ゼロから始める異世界生活)黎個crossover。

特別店日本全國會有6間，香港人會去的應該係池袋同秋葉原。

當然大家最期待的Goods就唔少得。有咩Goods就唔講咁多，大家自己去官網睇啦。

順帶一提，筆者就鐘意件制服版T-shirt。笑

https://www.lawson.co.jp/lab/tsuushin/art/1308657_4659.html?utm_source=twitter&utm_medium=social&utm_term=&utm_content=sns&utm_campaign=20170908-rezero-tenpo

2017-09-08

Twitter@akiko_lawson

Lawson隻雞終於有得夾喇!

大家仲唔快D去Taito Station夾番隻番屋企?

2017-09-07

Twitter@Rydia_official

小櫻件制服，將會於9月底至10月初做成背包發售。(稅前售價：12,000YEN)

個背包係可以放得落A4紙size，機能上唔差嫁。

E個背包背着出街的話，一定好受注目！笑

2017-09-06

 日本雖然今個夏天唔似夏天，而且已經踏入秋天，但係FamilyMart的沙冰系列仲不停出新產品。(下星期仲有新味推出，發售後再介紹)

今次推出的是「乳酸味意式雪糕沙冰」，售價320YEN。

官方話E個沙冰係同其他沙冰有D唔同，而且日本天氣已經開始涼，要盡快試啦，唔係天氣凍就根本唔會想飲。

2017-09-05

Twitter@akiko_lawson

 今日係串の日，LAWSON的大雞串同大炸串都原價減10YEN。

仲未試過的朋友可以借E個機會試下。

2017-09-04

Twitter@GODZILLA_ANIME

 為記念哥斯拉歷上第一套動畫，哥斯拉同SANRIO竟然黎個crossover。

果隻週圍破壞ge哥斯拉被SANRIO後好鬼得意可愛，果然SANRIO魔法真係太勁。

各種Goods會在秋季發售，睇黎又要破財啦！！

2017-09-03

Twitter@711SEJ

 日本今個暑假完全唔似夏天，這幾天東京的氣溫都是只有22度前後，根本就係秋天。

北海道北邊有些地方更加是只有3度前後，睇黎北方冬天已經到左。

E種天氣，當然就係岩晒食關東煮。而家7-11仲做緊全品9折直到7(四)號，正呀！！

2017-09-02

Twitter@mutenkurasushi

 日本近年流行因為健康(減肥)而不吸收碳水化合物，但係大部分日本的壽司店並不提供刺生only，所以有不少女性去食壽司但係留低D飯。

就此情況，回転壽司連鎖店「くら寿司」推出左無飯壽司，壽司飯用醋白蘿蔔同生菜葉代替。這種「無碳水化合物系列」除了無飯壽司外，仲同時推出了無麵拉麵，拉麵用各種野菜代替。

但係，無飯壽司仲係唔係壽司，無麵拉麵仲係唔係拉麵呢！？

2017-09-01

Twitter@akiko_lawson

近排講得太多FamilyMart，今日講下另一間便利店LAWSON。

LAWSON前幾日出左「雞皮餃子(內含軟骨)」。即係餃子外面塊皮係用雞皮黎做，仲要炸過，真係好邪惡呀！！

售價仲只係60YEN，真係好邪惡咁吸引人買！

2017-08-27

Twitter@jic_news

松屋，應該好多人都去過。

而當中最出名的牛肉飯當然大家都食過，但係其實「韓式伴飯」(ビビン丼)一直都受唔少松屋fans歡迎，所以今次傳出消息後，好多人都趕去食最後一次。

其實仲未完全販賣終了，只要間鋪仲有存貨(材料)就仲有得賣。

至於邊間鋪仲有得賣，就要大家自己去搵啦！

2017-08-26

Twitter@famima_now

日本便利店「FamilyMart」今日開始發售各種全新的中華包。

製法，成分等等全部大改革過，直到下星期一仲要係全部特價100YEN均一，

即係一定要買黎試！！

2017-08-22

Twitter@fashionpressnet

雖然台場個新高達仲未完成組裝，但係各位高達迷唔洗失望住。

同一個商場內新開左個「THE GUNDAM BASE TOKYO」。

除左有模型賣之外，仲有製造過程見學，而且仲有位比大家即場組裝模型。

2017-08-21

Twitter@lt_hmv

在渋谷的「HMV & BOOKS TOKYO」內，於8月20日(日)開始大約一個月會舉行動畫：「動物朋友」(けものフレンズ)的企画展。

同場的cafe都會提供「動物朋友」有關的menu。

Goods方面最注目應該是稅前售價500YEN的「朋友袋」(フレンズ袋)。

買左「朋友袋」就唔洗比企画展入場費500YEN，即係個袋係必買啦！！

2017-08-18

Twitter@itm_nlab

本網早前講過在横浜「港灣未來」(みなとみらい)附近會有大量比卡超出現。

點知果度有D路比卡超係過唔到，搞到夾到自己，仲要比人影埋相！

2017-08-16

Twitter@akiko_lawson

日本LAWSON於今日開始新發售「大炸雞君 柚子七味味」（でからあげクン ゆず七味味）。

（售價：268YEN）

柚子胡椒就好平常，柚子七味的炸雞君到底會係咩味呢！？

好想食呀！笑

2017-08-15

Twitter@McDonaldsJapan

日本麥當勞將會於8月16日(三)開始新發售「雷神朱古力麥旋風」。

OREO味大家就應該試過，雷神朱古力味究竟會有咩唔同呢！？

順帯一提，雷神朱古力早兩，三年好受台灣人歡迎，唔知今次又會唔會出現大量台灣人去麥當勞買麥旋風。笑

2017-08-14

Twitter@sailormoon_25th

適逢美少女戰士今年25週年，公式店將會在9月23日(六)於原宿Laforet開幕。

公式店除左有公式店限定商品發售外，各種關連商品都當然唔少得。

東京又多一個地方要辛苦各位男士們行啦！笑

2017-08-12

Twitter@yabbedoga

今日開始，在横浜「港灣未來」(みなとみらい)一帯會有大量比卡超出現。

各位fans一定唔可以錯過！！

2017-08-09

Twitter@famima

日本便利店「FamilyMart」昨天開始，期間限定發售去年大人氣的芒果沙冰。

去年有試過的朋友都知道FamilyMart的芒果沙冰係非常好飲，官方仲話今年的和去年比果肉多了一倍。

即係唔洗考慮一定要試！！

2017-08-07

YouTube@ナチュラルとうふ公式

近日，日本各大便利店新發售一種野飲：「飲用豆腐」。

係呀，唔係豆奶，係豆腐。

包裝上寫住：「不是豆腐，全新的美味；Don't think, feel.」，即係叫大家唔好諗咩味，直接去試啦。

官方仲出左段video，睇完真係好吸引呀，D豆腐！！笑

睇完段video後，歡迎在我地個FB留低(對豆腐有關)感想。

官網：https://sagamiya-kk.co.jp/nomu/

2017-08-06

Twitter@disneyjp

今日8月3日，在日本是蜜糖之日。

講到蜜糖就會聯想到小熊維尼，現在東京Metro地鐵新宿站內正在舉行和小熊維尼有關的展覽，直到8月6日(日)。

有興趣就要盡快去啦！

2017-08-03

Twitter@Starbucks_J

日本Starbucks昨天開始新推出「焦糖布甸with咖啡啫喱」。

（稅前售價：320YEN）

濃厚的焦糖再加上帶苦味的espresso咖啡啫喱，一甜一苦仲要係Starbucks出品，簡直係絕配！

2017-08-02

Twitter@McDonaldsJapan

日本麥當勞將會在8月2日(三)推出「白桃＆黃桃奶昔」。

（售價為 S：120YEN，M：200YEN）

桃味奶昔以前都出過，但係用兩種桃加埋一齊就係但一次。

下星期三開始，夜晚宵夜用甜品又多過選擇啦！

2017-07-31

Twitter@tendon_tenya

日本天婦羅丼專門店「てんや」早兩日推出期間限menu「黑咖喱豚天丼」。

（售價：850YEN）

本來E個配搭係商品化不成功，但係上左電視介紹過後，個個都話天婦羅配咖喱個發想實在太前衛，好多日本人都爭住去試。

官方仲公佈話因為太過好賣唔夠貨，所以只會賣到8月1日(二)，大家仲唔快D即刻去試！！

2017-07-28

Twitter@famima_now

日本便利店「FamilyMart」今日27號開始，連續4日飯團全線100YEN均一特價。

（原價160YEN以上的產品，特價為150YEN）

夜晚宵夜，有多個平價選擇啦！

2017-07-27

Twitter@Starbucks_J

日本Starbucks新推出「車厘子朱古力碎星冰樂」。

（售價：540YEN，Tall size only）。

朱古力碎再加上車厘子果肉的酸味，究竟會係咩味道？

各位仲唔快D去買黎試下！！

2017-07-25

Twitter@famima_now

日本便利店「FamilyＭart」今日推出今個暑假內，沙冰系列的最後一種新口味：「藍莓乳酸」（售價：290YEN）。

內含藍莓果肉配上乳酸，大熱天時飲落最正。

在日本的朋友盡快去試，期間限定商品黎！

2017-07-23

Twitter@HOOOOJICHA

近日，日本Twitter上流行一段「白桃超快去皮」影片。

只要將白桃放入滾水約20～30秒，之後再立即放入冰水直至個桃凍返，就可以做到和影片一樣的效果。

其實同樣原理用在番茄去皮上應該有不少人知道，但想不到用在白桃上一樣得。

2017-07-22

Twitter@tetsudoshimbun

連接橫濱和伊豆的觀光列車「The Royal Express」正式開通。去伊豆旅行的朋友不妨去搭下。

http://tetsudo-shimbun.com/headline/entry-1098.html

2017-07-21

Twitter@exsummerstation

昨天講過富士電視台個「台場大家的夢大陸」。

其實朝日電視台一樣會在暑假舉行類似的活動叫：

「朝日電視台・六本木新城 夏祭SUMMER STATION」

（テレビ朝日・六本木ヒルズ 夏祭りSUMMER STATION）

較特別的有MUSIC STATION出場時那段樓梯可以比大家行，仲有好多拿住唔同道具的叮噹（多啦A夢）公仔，用黎打卡影相最正。

詳細內容大家一樣直接去官網睇：

http://www.tv-asahi.co.jp/summerstation/

2017-07-21

Twitter@fujitvodaiba

今天日本大部分小學都舉行了「終業式」，意味明天是暑假正式開始。

暑假的一大活動，當然不少得在台場的富士電視台和其周邊範圍近年來每年也舉行的「台場大家的夢大陸」（お台場みんなの夢大陸）。

富士電視台有關的就當然唔少得，仲有演唱會，露天食店等等。

有咩玩有咩睇唔講咁多，大家直接去官網睇：

http://www.fujitv.co.jp/yumetairiku/index.html

2017-07-20

Twitter@kobeimamoe

淺草雷門變左幅畫(笑)

2017-07-20

Twitter@kamakura_kankou

鎌倉今晚19:20會有煙花大會，在東京近郊的朋友不仿一去。

現在應該還能趕上。

2017-07-19

Twitter@McDonaldsJapan

日本麥當勞今日開始新發售朱古力香蕉味麥旋風，麥旋風杯有6種比卡超樣

睇黎各位比卡超迷應該要去食6次麥旋風啦

2017-07-14

Instagram@39saku_chan

最近在日本Instagram流行「西瓜衣服」。

把西瓜弄成衣服的形狀再對好位置拍照，照片會有一種夏天清涼的感覺。

大家也不仿試試。

2017-07-10

剛剛一個深夜節目播出，神奈川県内治安最差的是「厚木市」。

香港人旅行雖然應該很少會去，但有機會去的話就注意自身安全吧！

2017-07-04